سارة نخلة بعد التجميل : محصلتش 10 بالمئة من جمال وأناقة هيفاء وهبي
المدينة نيوز :- رفضت الفنانة السورية سارة نخلة، التنمر المتواصل على مواقع التواصل الاجتماعي بالنجمة اللبنانية هيفاء وهبي، بعد صورتها الأخير بملامح مشوهة، وأكدت سارة أنها خضعت لجراحة تجميل في الأنف وزرع لشعر الحواجب، وقامت بإزالة وشم كان يشوه شكلها، ومع ذلك لم تبلغ حتى الأن 10 بالمئة من جمال وأناقة النجمة اللبنانية، وأكدت سارة أن الصورة المتداولة مفبركة وشنت هجوما على الساخرين من النجمات ميرفت أمين ومن بعدها أصالة وأخير هيفاء.
وكتبت سارة نخلة عبر حسابها الشخصي على موقع الفيس بوك: معروف عني اني بحب الجمال وبحب اشوف نفسي حلوة حتى لو فالبيت وبحب البنات الحلوة، ودايما بسعىى اني أحافظ على شكلي ومظهري وبحب اللي بتعمل كدا ولما بيسألوني بجاوب أنا عملت إيه وفين وكل حاجة، وعمري ما كدبت في أي حاجة عملتها، عشان عندي ثقة بنفسي ومش مضطرة أكدب خالص.
وواصلت قائلة: ويمكن أنا أول واحدة عملت مناخيري وطلعت اتكلمت ودا من ١٢ سنة، ويوم ما عملت زرع شعر فحواجبي وشلت التاتو المقرف طلعت واتكلمت وصورت العملية كلها، وبالرغم من دا كله أنا ماجيش 10% من جمال هيفا وشياكة هيفا وذوق ورقة وهضامة والروح الحلوة وخفة دم هيفا ولا أنا ولا أي حد بيتريق عليها، أنا لو وصلت لـ10% من جمالها أبقى أنا جامدة جمدان ماحصلش، يا صفرا منك ليها انتوا مين؟؟، دي icon دي diva، دي فحتة لوحدها ولا في واحدة استجرت تقربلها أصلا".
وشنت سارة هجوما على المتنرين قائلة: يا صفرا اللي هدوم فرحك بعد سنة من الجواز مش بتدخل فيكي أصلا، يا صفرا ياللي لما يبقى عندك خمسين سنة تقولي عليه سن اليأس، وتبتدي تصلي وانتي قاعدة، كفاية حقد وغل كفاية بقا. مرة ميرڤت أمين ومرة هيفا ومرة أصالة.. انتو مين أصلا جنب النجوم دي.. انتو اصلا لو معاكوا فلوس أقسم بالله هاتعملوا تركيب راس جديد وجسم جديد، ربنا يكرمكو ويرزقكو يمكن تبطلوا غل.
وأكدت سارة أن الصورة المتداولة لهيفاء وهبي غير صحيحة وقالت: آه بالمناسبة الصور دي مش حقيقية وهيفا فالحقيقة أجمل من الصور بكتيييييير... ياريت تعرفوا يعني إيه إضاءة وتصوير وزوايا محددة قبل ما تعملوا فيها محللين وخبراء تجميل.
