أول تعليق لـ ياسمين عز على الفيديو المسرب مع الشيخ مبروك عطية .. بالفيديو
المدينة نيوز :- ردّت الإعلامية المصرية ياسمين عز على مقطع الفيديو المتداول لها مع الشيخ مبروك عطية أثناء حديثها عن كونها امرأة عاملة ولن تقوم بصنع الطعام لزوجها مستقبلا.
وقالت عز في برنامجها ”كلام الناس“: “وقت ما باخد إجازة مينفعش تمر بسلام الأسبوع اللي فات طلعوا الفيديو وقالك إلحق حلقة ياسمين مع الشيخ مبروك عطية الفيديو المسرب جابوه من على شاهد“.
وأضافت: “الفيديو المتداول كان من 8 شهور وقت استضافتي للشيخ مبروك عطية وكنا وقتها بنتكلم عن الرجل والمرأة بشكل عام وكان بيتكلم عن الأكل ووقتها أن كلمته عن المحشي“.
وأوضحت: ”سألت الشيخ لو فيه زوج متزوج وزوجته مش بتعرف تعمل محشي، بس وقتها من سنه مكنتش بعرف اقور كوسه أو احشي محشي، والإنسان لازم يتعلم من اخطائه، حاليا أنا اتعلمت إضافة إلي أني استاذة ورئيسة قسم في عمل البط بالبرتقال وهعملكم حلقة مطبخ مع إنها أكلة صعبة وفيها تفاصيل كتير“.
وذكرت أن الفيديو المتداول لحديثها على مواقع التواصل، من الحلقة رقم 30 للموسم الأول من برنامجها في عام 2022، معقبة: ”الناس أخدت الجزء اللي على مزاجها عشان تغلطني، لكن فكركم أنا مبعترفش بالغلط، الاعتراف بالخطأ شيمة العظماء“.
وعن تصريحاتها السابقة بشأن الرجل قالت عز: ”في يوم كنت زي ناس كتير ومكنتش مقدرة قيمة الفرعون ولما فهمت ارتاحت وبقيت سعيدة، وأنا قولت في الحلقة إن الراجل من حقه يتجوز أربعة وده شرع ربنا وانتي ليه ختي حتة المحشي وسيبتي أن الراجل يتجوز 4“.
وكانت ياسمين عز قد ظهرت في وقت سابق وهي تسأل مبروك عطية عن وجبته المفضلة، فأجابها: ”المحشي، لأنه الحاجة الوحيدة اللي تشبعني، تاكلي ست صوابع في دقيقة، بدلا من التقطيع والأكل والعيش، بتعرفي تعمليه؟“.
فأجابته: ”لا باكله بس“، ليرد عليها: ”إن شاء الله تعرفي تعمليه، لما بيتعلموه على كبر بيجيدوه أكتر لأنه بيبقى فيه رغبة، إن شاء الله ربنا يرزقك بابن الحلال ويقول لك أنا عايز محشي هتعمليه في دقيقة واحدة، محبة فيه“.
وردت عليه ياسمين عز قائلة: ”ما أجيب له طباخة تعمل له المحشي:“، فأجابها: ”ولما المرتب يقل“، فأجابته: ”ما أنا ممكن أكون حباه يكون مقتدر، أنا عايزة طباخة، أنا امرأة عاملة بشتغل، ارجع اقور محشي وكوسة“.
وهو ما دفع رواد مواقع التواصل الاجتماعي لانتقاد ياسمين عز بشكل كبير بسبب اتهامها بعدم تطبيق نصائحها على نفسها وأنها لن تفعل شيئا مما تقوله لزوجها المستقبلي.
