إعلامية مصرية تهاجم مسلسل أزمة منتصف العمر: "طلع زنا بس"

المدينة نيوز :- شنّت الإعلامية المصرية دعاء فاروق هجوما حادا على مسلسل " أزمة منتصف العمر"، الذي يعرض على إحدى المنصات الإلكترونية.

وكتبت دعاء منشورا، عبر حسابها بموقع "فيسبوك"، قائلة: "طيب يا جماعة حد مستني النهاية في سواد منتصف النيلة المستنقع اللي بنتابعه، أنا بالنسبة لي كده جاب الناهية خلاص، فاضل 3 حلقات أو حتى 10 دي كلها شكليات، المسلسل خلص والستائر السوداء نزلت موتوا بصيص الفرحة الوحيد وقتلتوا سرسوب أي أمل كنا مستنينه يظهر".

وأضافت: "حد يفكرني كده هو كريم فهمي كان زعلان إن الناس متضايقة من الأحداث الكحلي اللي بتحصل وبيقول علينا لمؤاخدة لجان، ألا هو أنت يا كريم كنت عاوزنا نتابع المسلسل ونفرح؟".

ووجهت دعاء فاروق حديثها للفنان كريم فهمي: "كنت عاوز الناس تشكر في الأفعال غير المبررة اللي بتعملها الشخصيات الحزينة دي؟، منين جبتوا الثقة دي مفهمتش حتى لو موجودة في الدنيا حد قالك إن إحنا بنسقف لهم".

وأكملت: "كريم اتضايق جدا إن بعض الناس قالوا إن فيه زنا محارم وهم لسه مشافوش المسلسل لآخره طيب إحنا آسفين يا كريم طلع زنا بس المفروض الناس تسقف يعني للعلاقة غير السوية اللي بين فيروز وعمر؟".

مسلسل "أزمة منتصف العمر" بطولة كريم فهمي، ريهام عبدالغفور، عمر السعيد، رشدي الشامي، رنا رئيس، هند عبد الحليم وركين سعد وهاجر عفيفي، وسلوى محمد علي، وإخراج كريم العدل.