أحمد آدم: أنا من رأيي شيرين تتحجب وحلا شيحة تتزوج حسام حبيب
المدينة نيوز :- سخر الفنان المصري أحمد آدم على أزمة شيرين عبد الوهاب وحسام حبيب، قائلا: "الخبر اللي ما بيتغيرش، انفصال شيرين وحسام حبيب".
وأضاف آدم، خلال تقديمه برنامج آدم شو، المذاع عبر فضائية الحياة: "يطلعوا يقولوا الكلام دة كدب، والكلام دة مش كدب، أنا لما بشوف الخبر دة كأني شفته أربعين مرة، بحس إن الأيام رجعت أو دة خبر قديم، أو دة مسلسل 40 جزء، أو التليفون هنج مننا ومعندناش غير شيرين وحسام حبيب، وبعدين يطلعوا يكدبوا، وناس تانية تطلع ما تكدبش".
وتابع الفنان المصري: "هما خبرين عمالين نسمعهم بقالنا أربع شهور، حسام وشيرين رجعوا، حسام وشيرين اطلقوا".
وبشأن أخبار حلا شيحة التي عادت إلى الأضواء مجددًا بعد خلعها الحجاب، قال: "حلا شيحة خلعت الحجاب، حلا شيحة لبست الحجاب، أنا من رأيي عشان نسمع أخبار جديدة، إن شيرين عبد الوهاب تتحجب، وحلا شيحة تتجوز حسام حبيب".
كما سخر الفنان أحمد آدم، من خبر ياباني يؤكد تنامي ظاهرة الزواج المنفصل بين الشباب اليابانيين لحل مشكلة النكد، قائلا: "زواج منفصل؟َ! يعني إيه؟! يعني أكابورا يتجوز أوشين، وهو يروح يعيش في بيت أهله، وهي تعيش في هيروشيما البلد عند أمها، أو هو يقعد في حدايق طوكيو، وهي تقابله في الويك إند مثلًا؟!".
وأضاف: "هوده يبقى جواز يا جماعة؟! ربنا يسترها علينا في الأيام الجاية".
وتابع: "إزاي ترجع البيت متلاقيش مراتك حبيبتك قاعدة مستنياك، تفتح الباب تلاقيها قاعدة في وشك، وتقول لك: "إنت جيت يا منيل؟"، إزاي الأزواج يعيشوا من غير الحجات دي وخناقة الصبح لما الزوج يسأل: "فين النسكافيه؟"، فترد الزوجة: "نسكافيه إيه؟ سبحان العاطي الوهاب بعد الشبشب والقبقاب".
ويعد "آدم شو" برنامجا كوميديا يناقش فيه الفنان المصري المواضيع في إطار كوميدي ساخر، من بينها بعض الظواهر والسلوكيات الاجتماعية، كما يمزج البرنامج بين "الستاند أب" كوميدي والأغاني، ويستضيف أشهر نجوم المحتوى الكوميدي على السوشال ميديا.
