للمرة الأولى.. منة فضالي تكشف تعرضها للعنف الجسدي من طليقها

المدينة نيوز :- للمرة الأولى منذ انفصالها عن زوجها، خرجت الفنانة المصرية منة فضالي عن صمتها لتكشف تفاصيل تعرضها للعنف الجسدي من طليقها، لافتةً إلى أنها اتخذت قرار انفصالها عنه بقناعة تامة بعد تعرضها لصدمة العنف.

ووجهت منة فضالي نصيحة إلى السيدات والفتيات بعدم الزواج من الرجل البخيل أو رجل يكبرها بالعمر، كاشفة مواصفات من تقبل الزواج منه.

وقالت منة فضالي خلال تصريحات صحفية "مش هنقول عنف زوجي ولكن مرة زمان مد إيده عليا ودي كانت صدمة انفصالي، وأنا بشوف الراجل اللي بيمد إيده على الست متخلف، ولو الموقف ده أتكرر دلوقتي كان هياخد القلم ده ثلاثة أو أربعة، أكتر حاجة بكرهها إن حد يمد إيده على وشي".

وتابعت منة فضالي الحديث حول مواصفات من تقبل الزواج منه "الراجل يعيبه جيبه ولسانه الطويل، ممكن أتجوز حد أقل من مستوايا المادي ولكن لحد معين.. أكيد مش هاخده أصرف عليه، مش هصرف على الكلاب والبيت وجوزي دي تبقى كارثة، ولازم يعرف يتعامل مع الأطفال".

وأشارت إلى أن والدتها لم تكن موافقة على هذا الزواج وقالت "الزواج كان تحدي لأن أمي مكانتش موافقة وأنا كنت واخداه عِند، ولكن البنات بتفهم المشاعر أكتر، ومش كل اللي بنحس بيه بجد، والحب بييجي في سن معينة، وأنا ضد اللي بيتجوزوا بدري وببقى واثقة إن علاقتهم هتفشل. وفق (ليالينا)

ورفضت منة فضالي أن تكون زوجة ثانية قائلة: "مينفعش أبدًا أبقى زوجة تانية أنا معنديش حاجة ناقصة علشان تخليني أبقى زوجة تانية، ممكن أكون زوجة تانية لو هو مُطلق أو مراته متوفاة".

ووجهت منة فضالي نصيحة للسيدات قائلة: "نصيحتي للستات متتجوزيش راجل أكبر منك، ولا البخيل وعن تجربة، إنتي مش مجبرة تشتغلي أو تأكلي أو تضحكي علشان ترضي حد، أهم سلاح للست أنها متحسش نفسها قليلة والثقة والاعتزاز بالذات، وفي ستات ناجحة أكتر من الرجالة".

وأشارت منة فضالي إلى أنها لم تتعرض للتحرش الجسدي في حياتها قائلة: "عمري ما اتعرضت للتحرش ومحدش يقدر يجي ناحيتي أنا بلعب Kickboxing اللي يفكر يتحرش بيا هياخد أكبر بوكس في حياته، هما بيتحرشوا بيا لفظيًا بكلام مش لطيف، وساعات كنت برد".

آخر أعمال منة فضالي
يذكر أن منة فضالي تخوض سباق الدراما الرمضاني القادم من خلال مسلسل "العمدة" الذي يقوم ببطولته الفنان محمد رمضان، وهو من تأليف وإخراج محمد سامي.