عن شركات التأمين

السلام عليكم اخواني
انا راح ارد على كل ما جاء كوني موظف سابق بشركة تأمين
اولا : يعقد المدير العام اجتماع مع موظفي الحوادث وبيقولهم خففوا صرف ملفات يعني بالعربي اختصروا على المواطنين مصاري يعني بالعربي الفصيح ما تعطوهم حقهم
ثانيا انا اشتغلت 6 سنوات بشركة التامين وفنيت قلبي فيها ولما روحوني حتى بدل اجازاتي ما اعطوني اياها ولا راتب الثالث عشر
ثالثا صار معاي حادث وانا مامن بالشركة نفسها شامل والشركة ما اعترفت بالحادث بتقول حادث مفتعل وهو ما بيكلف 150 دينار يعني اذا على حكيهم لازم احظ محامي معناته ما استفدت من التامين تاعي
صدقوني انا اشتغلت بشركتين تامين والشركتين اسمهم مرموق بالبدل والشركتين نصابات وبعدين كيف انتا بدك تحددلي المستشفى اللي بدي اتعالج فيه شو رايك بالمرة وديني على مستشفيات حكومية
انا بتعالج بالمستشفى اللي بدي اياه انتو اصلا رفعتوا التامين عشان رفع تغطيات الحوادث الجسدية وحدك الاعلى 7500 دينار شو يعني بتحاولوا تتهربوا منهم كمان
غير هيك نازلين لما ما يحبوا شخص يراجعهم بيستفزوه عشان يرفع قضية ولعلمكم القضية بتقعد 6 شهور واحسب كم قضية بالشهر والتاخير هاد لمصلحه شركة التامين انها تاخروا لانها بتاخد فوائد من البنوك على المصاري الموجودة عندها
وبعدين كيف بدهم يحاولوا يربحوا حيتان البلد بدهم يربحوا من كتف المواطن لانو هو الوحيد اللي بيتاخد منه وما بينعطا طيب قوليولي هلا انا عشان ال 150 دينار شو اسوي احط محامي وبيجوز والله المحامي يطلب اكتر ما بدي اخد من شركة التامين وبعدين لا تنسوا شغله الحرمنه بشركات التامين منها وفيها يعني
موظف الحوادث بيبعت للكراج الفلاني عشان يوخد عمولته وكمان الكراجات المعتمده مش مطابقة لمواصفات الهيئة ولا اللي بدهم اياه بيطالبوا فيه واللي مش الهم بيروح يعني لا في فواتير ضريبة وازا في ما بيكون في شهادة منشأ وهاد شي كويس لصالحهم عشان يعرفوا يسرقوا
ودامت الاردن وشعبها اللي دايما بينضحك عليه
ويا ريت جلالة سيدنا ما يقبل بهاد الشي لانها حيتان البلد بدها تمص دم الشعب والشعب بصراحه ما ضل فيه دم عشان يتاخذ وشكرا.........