مشاهد يندى لها الجبين في طوارئ البشير ( صور )
المدينة نيوز - خاص - : وصلتنا هذه الرسالة والصور من مواطن راجع طوارئ مستشفى البشير ، وقام بتصوير بعض ما رآه وكتب بطريقته المعاناة التي يعانيها الناس ، وتاليا نص الرسالة كما وردت حرفيا بدون أي تدخل منا ، ونضعها على مكتب وزير الصحة :
" الأخوة المدينة نيوز ..
تحية طيبة وبعد ..
السلام عليكم ,, هداك اليوم رحت على مستشفى البشير التابع لوزارة الصحه لزيارة حاله طارئه في قسم الطوارئ وكانت الساعه 2 بالليل , فوالله كان الوضع مؤسف ومخزي لا يرقى إلى مستوصف صحي في منطقة نائيه , أزمه خانقه عند تصوير الأشعه ولا يوجد موظفين ولا تكييف مركزي والدنيا شووب انارة ضعيفه جداً ولا يوجد نظافه نهائياً بعيد عنك كان طفل مستفرغ على الارض وضلت على الارض بالساعات والاطفال كانو يدعسوا عليها ويمشوا يعني تصور الجراثيم والبكتيريا والموظفين بدخنوا والكراسي قليلا جداً ولا يوجد مكبر صوت عند غرفة الاشعه ومع انو في غرفة اشعه تانيه مجهزه بالكامل ولكن هناك نقص بالموظفين يعني مستشفى كامل على غرفة اشعه وحده ,,,, إلخ لدرجة اني فكرت اوقف بالنص واحكي للعالم بالله عليكم ما بدها شكوى على وزير الصحه ولو فعلتها لوجدت 100 توقيع على الاقل وما زلت افكر بالشكوى , شو رأيكم تقترحوا هادي المشكله لعلها تجيب نتيجه , ومع كل الاحترام والتقدير وشكراً لكم وهاي الصور صورتها هناك ابتثبت كلامي ، وشوفوا غرفة الأشعة الفاضية بالصور " .
شاهدوا الصور :
