ليلى علوي تسترجع ذكريات أول بطولة سينمائية

المدينة نيوز :- قررت الفنانة المصرية ليلى علوي، أن تشارك جمهورها، ذكريات خوضها أول بطولة سينمائية لها، قائلة: “حكاية أول بطولة..أول فيلم أقوم ببطولته كان البؤساء”.

وأضافت ليلى علوي، عبر صفحتها الرسمية على موقع التواصل الاجتماعي “فيس بوك”: “كنت مرعوبة وقتها، لإني همثل مع عملاقين، وهما يوسف وهبي وفريد شوقي”.

وتابعت: “واللي رشحني للبطولة وقتها النجمة الكبيرة هدى سلطان، وده بعد ما شافتني في مسرحية (ثماني ستات)، وكانت مبسوطة مني جداً، ووقتها قررت تعزم مخرج الفيلم عاطف سالم، علشان ييجي يشوفني في المسرحية وانبسط جداً، ووقتها قرر يسندلي البطولة، رغم إني كنت صغيرة، ولسة بروح المدرسة، وكانت ناهد فريد شوقي تضطر تجيلي كل يوم المدرسة، عشان تاخدني للتصوير”.

واختتمت حديثها قائلة: “أصعب حاجة إن أول مشهد كان مع يوسف وهبي، وأكيد كنت خايفة جداً، ومش عارفة هعمل إيه، لكن لقيته نداني وبدأ يتكلم معايا قبل التصوير، علشان يحاول يكسر الخوف اللي جوايا، وسألني إنتي عندك كام سنة ؟ وساكنة فين ؟ وفي مدرسة إيه ؟، ولما لقاني مش خايفة منه وبتكلم معاه عادي، قال للمخرج يلا إحنا جاهزين”.

يذكر أن هذا الفيلم كان من بطولة النجم يوسف وهبي، عبد الوارث عمر، فريد شوقي، عادل أدهم، محسنة توفيق، فردوس عبدالحميد، نبيل نور الدين، وليلى علوي.