اكتشف أن طفلته فقدت عذريتها … فقتل خالها ذي الـ 13 عاما
المدينة نيوز:- لم يكن يتخيل يوما “محسن.م.ع″، 34 سنة، جزمجي، أن تكون نهايته السجن، وتكون حكايته على كل الألسنة، وذلك بعد صدور قرار بإحالته للمحاكمة الجنائية، على خلفية اتهامه بقتل خال نجلته.
وكشفت تحقيقات النيابة العامة فى القضية رقم 3485 لسنة 2015 جنايات باب الشعرية، والتي أشرف عليها المستشار وائل شبل، المحامي العام الأول لنيابات وسط القاهرة الكلية ونشرتها “اليوم السابع″ أن المتهم “محسن.م.ع″، 34 سنة، جزمجي، تزوج منذ 8 سنوات من المدعوة “أية.ك.ع″، ربة منزل، حيث أنجبت منه طفلة تدعى “أحلام” تبلغ 6 سنوات، ثم قام بتطليق زوجته منذ 4 سنوات لوجود خلافات أسرية، وقامت طليقته بالزواج من آخر وتركت ابنتها لوالدتها للقيام بتربيتها .
وروى المتهم تفاصيل قتله لخال نجلته، خلال التحقيقات التي جرت معه في النيابة، قائلا: “خدت بنتي في مرة من المرات علشان أطمن عليها وأشوفها كالعادة، بس في المرة الأخيرة دي قررت إني مرجعهاش لجدتها واخليها عندي تتربى في بيت أبوها، وبعد فترة قصيرة لقيت البنت بتعمل حركات غريبة، وحركتها مش طبيعية، فخدتها لدكتورة عندنا في المنطقة علشان تكشف عليها، وساعتها كانت المفاجأة لما الدكتورة قالتلي إن بنتي تم الاعتداء عليها جنسيا أكتر من مرة، وإنها فاقدة لعذريتها”.
وأضاف المتهم: “سألت البنت مين اللي كان بيعمل حاجات عيب معاكي، علشان تقدر تفهمني، فقالتلي إن خالها “محمد.ك”، 13 سنة، كان بينام معاها وبيعمل معاها كذا وكذا، لكن الصدمة خلتني مصدقش اللي بسمعه، فخدت البنت لدكتور كبير علشان أتأكد من الموضوع، فالدكتور كمان أكد اللي حصل” .
وأشار المتهم : ” روحت بسرعة على أخويا الصغير”عيد.م.ع″،26 سنة، مبيض محارة، وحكيتله على كل حاجة وساعتها كنت في حالة ما يعلم بيها اللا ربنا، راح أخويا فضل يهدي فيا وقالي متقلقش أنا هردلك شرف العيلة، قام رايح لبيت جد بنتي ولقي خالها مع زمايله في الشارع، فقاله تعالى معايا علشان بنت أختك نفسها تشوفك وعلى طول بتعيط عليك، وجاب الولد وجالي وقالي أعمل معاه اللي يريحك، رحت خدته في سيارة سوزوكي فان، وطلعت على طريق أبو زعبل جنب ترعة الإسماعيلية، وطلبت منه يحكيلي الحكاية من أولها لنهايتها، فاعترف لي بالواقعة، ساعتها مدرتش بنفسي وأنا بخنقه بأديه لغاية ما طلعت روحه، قمت رامي جثته في الترعة ورجعت على البيت” .
وأحال المستشار وائل شبل، المحامى العام الأول لنيابات وسط القاهرة الكلية، المتهم وشقيقه للمحاكمة الجنائية، على خلفية اتهامها بالاختطاف والقتل العمد، بمنطقة باب الشعرية .
