مصطفى كامل يعتذر عن ألفاظه الخارجة.. ويرد على سخرية رامز

المدينة نيوز :- وجه الفنان المصري مصطفى كامل اعتذارا لجمهوره عن الألفاظ الخارجة التي تلفظ بها، خلال حلقته في برنامج المقالب «رامز واكل الجو»، والذي يقدمه الفنان رامز جلال.
كامل رد على التعليقات السلبية التي تلقاها بسبب هذه الألفاظ بقوله: «انتم بتحكموا عليا وانتم قاعدين قدام التليفزيون، انما لو انتم ف مكاني هتعذروني بجد، الموقف صعب و5000 ألف حاجه جت ف بالي واهمهم ولادي!».
ثم اعتذر بقوله: «وانا بعتذر عن اي حاجه سمعتوها وضايقتكم، وياريت تقبلوا اعتذاري وأنا كنت تعبان وده ظاهر من اول الحلقة اصلا ربنا يعلم اللي كان ف الواحد.. والله روحي كانت بتطلع وضغط الجو ووداني بتصفر، وانا دوغري مش بتاع مقالب.. وتقريبا دا تاني مقلب يتعمل فيا طول عمري.. اعذروني انا مش بتجمل».
فيما أبدى استيائه من وصف رامز له خلال الحلقة بأنه مطرب «تكاتك»، وقال: «وبنسبه للكلام اللي بيتكرر مطرب تكاتك او ميكروباصات انا اكبر من اني كل شوية ارد عليه، اولا دا شرف ان ناس بسيطه بتسمع اغانيه لكن تاريخي الفني كشاعر مش قشطه يابا، دا كان افيه عملته وسمع ف شارع وابتدي يتداول، بس مينفعش يختصر تاريخي بأغنيه عملتها ف اطار فيلم».
وأضاف –على حسابه الخاص على موقع «تويتر»: «هتلاحظوا اني مش بتاع اعلام وكل يوم ف لقاء ولا بطلع ف كل برامج التليفزيون، انا راجل في حالي وبركز ف شغلي ك نقيب و شاعر».
يذكر أن مصطفى كامل وقع ضحية لمقلب الفنان رامز جلال، في حلقة أمس، السبت 27 يونيو، وقد بدى عليه التعب الشديد خلال المقلب وبعده.