مصطفى كامل يبرر ألفاظه الخارجة في “رامز واكل الجو”
المدينة نيوز:- اعتذر الفنان المصري مصطفى كامل، لجمهوره، عن الألفاظ الخارجة التي صدرت منه أثناء تصوير برنامج المقالب “رامز واكل الجو”، مع مواطنه النجم الشاب رامز جلال.
وكتب المطرب الكبير، في تغريده له عبر حسابه الشخصي على موقع التواصل الاجتماعي “تويتر”: “انتم بتحكموا عليا وانتم قاعدين قدام التليفزيون، إنما لو انتم في مكاني هتعذروني بجد، الموقف صعب و5000 ألف حاجة جت في بالي، وأهمهم ولادي !”.
وأضاف: “وأنا بعتذر عن أي حاجة سمعتوها وضايقتكم، وياريت تقبلوا اعتذاري، وأنا كنت تعبان، وده ظاهر من أول الحلقة أصلًا، ربنا يعلم اللي كان في الواحد.. والله روحي كانت بتطلع، وضغط الجو ووداني بتصفر، وأنا دوغري مش بتاع مقالب.. وتقريبًا ده تاني مقلب يتعمل فيا طول عمري..اعذروني أنا مش بتجمل”.
وأعرب كامل عن استيائه الشديد، من وصف رامز له بأنه مطرب “تكاتك”، قائلًا: “وبالنسبة للكلام اللي بيتكرر مطرب تكاتك أو ميكروباصات، أنا أكبر من إني كل شوية أرد عليه”.
وتابع: “أولاً ده شرف إن ناس بسيطة بتسمع الأغاني بتاعتي، لكن تاريخي الفني كشاعر مش “قشطة يابا”، ده كان “إفيه” عملته وسمع في الشارع، وابتدى يتداول، بس مينفعش يختصر تاريخي بأغنية عملتها في إطار فيلم”.
واختتم النجم الكبير حديثه قائلًا: “هتلاحظوا إني مش بتاع إعلام وكل يوم في لقاء، ولا بطلع في كل برامج التليفزيون، أنا راجل في حالي، وبركز في شغلي، كنقيب وشاعر”.
