شاعر غنائي يعلن اعتزاله بسبب زوج أنغام.. ويفتح النار على مطرب شهير
المدينة نيوز :- أعلن الشاعر الغنائي أحمد علاء الدين، اعتزاله لكتابة الأغاني، بعد أن شكا من سوء تعامل بعض المطربين والمحلنين معه.
وقص عبر مقطع فيديو على موقع التواصل الاجتماعي "فيس بوك" تفاصيل الأزمة بينه وبين الموزع أحمد إبراهيم، زوج المطربة أنغام، قائلاً: "أحمد إبراهيم أنا عملت له أغنية ولحد النهاردة ما أخدتش فلوسها ولا طلبت فلوسها، ولما كلمني قولت له الأغنية ليك، من 6 شهور عملت أغنية لأنغام وهي كانت مرات أحمد إبراهيم اسمها جمهوري سعيد وقالي الأغنية دي معانا اعمل التنازل".
وتابع: "أي كلمة أنا بقولها ممكن أنزل فويس نوت بيها بس مش هعمل كده إلا لما يكدبني، المهم بقيت أكلمه يقولي أصل أنا مسافر ورايح وجاي، لحد ما عدى 4 شهور وبعدها الباشا مبقاش يرد ولا يواجه راجل لراجل كعادة أي حد مش محترم اشتغلت معاه".
واستدرك: "بعد كده الملحن مودي سعيد تواصل مع رنده مديرة أعمال أنغام واتفاجت بأنغام عايزة تسمع الأغنية من أول وجديد بعد 4 شهور، عدى أسبوع في التاني وكلمت أنا رنده وسمعت أنغام الأغنية وورتها التنازل، بعدها قالولي 48 ساعة ونرد وعدى دلوقتي شهر".
وأشار علاء الدين إلى أنه كتب منذ حوالي 6 سنوات أغنية لأحمد إبراهيم كهدية من باب الرجولة، وفي المقابل أساء الطرف الآخر الرد على هذه الهدية.
كما اتهم، المطرب الفنان رامي جمال بأنه يحب التسويق لشخصيته على أنه شخص طيب وشهم وهو عكس هذه الشخصية تمامًا.
وقال: "رامي جمال في نظري هو أوحش مطرب اتعاملت معاه من ناحية التعامل، معرفش إزاي ده ملحن بيغني مفروض يكون فاهم قيمة التعامل، أنا كتبت له أغنية اسمها وبعدين، في الألبوم قبل اللي فات، وخدت التنازل وروحت له قالي معلش أنا هدفع مبلغ رمزي".
أضاف: "اتفاجنا قبل نزول الألبوم قال مودي سعيد في فرح تامر عاشور قاله وحياة أمي الأغنية معانا وهتنزل، فقولنا للناس إننا نازلين ووقت نزول الألبوم فوجئنا مالقيناش أسامينا، ومودي كلمه قاله رامي أسامينا مش موجودة في الأخبار ليه فمردش، قاله مودي عيب يا رامي بكلمك متردش عليا راح عامله بلوك، نفس نقطة الهروب".
وتابع: "عدى سنة سنتين سمعت كلام الناس بتاع هو حر، لحد ما يوم صحيت لقيته حارق كلام الأغنية على النت، لأنه نزل الكلام بطريقة يا ترى دي كلام مين؟ فالناس بقت تتوقع ونسبوها لشعراء تانيين".
