ابو عصام كان بالحجر الصحي …نجم باب الحارة يكشف أسرار كورونا في سوريا (صورة)

المدينة نيوز :- كشف الفنان السوري المشهور بدور النمس في باب الحارة مصطفى الخاني عن أسرار وباء كورونا في سوريا بطريقة فكاهية من خلال أحداث ومجريات مسلسل باب الحارة بأجزائه التسعة الخاصة بالمخرج بسام الملا من خلال بوست طويل عبر حسابه الرسمي في موقع التواصل الاجتماعي انستجرام جاء فيه:

“كورونا و باب الحارة
بتعرفوا انو أول مريضة كورونا في التاريخ كانت نظمية مرت الادعشري  بباب الحارة
قضت المسلسل كلو حرارتها مرتفعة و بتسعل و مشاكل بالتنفس
و مابتشم ولا بتتزوق الأكل ، و بالأخير ماتت و مات الادعشري ومات وراها ابنها
و بعدين بلشوا أهل الحارة يموتوا واحد ورا الثاني و في منهم اختفوا فجأة
و اضطروا القائمين عالمسلسل يبدلوا نص الممثلين

وأردف الخاني حديثه بالقول:

“و حتى ابو عصام اختفى بالاجزاء ٣، ٤ ، ٥ لانو عالأغلب كان بالحجر الصحي بإحدى المستشفيات ، وكان بوقتها الحجر إلزامي وكانت وزارة الصحة تشتغل بقلب ورب مو متل هلأ ، مشان هيك قدروا يسيطروا عالمرض بسرعة ،
ويوم شك أبو عصام أنو ام عصام معها كورونا سألها ، فجاوبتو : فشرت … فراح و عمل حجر طوعي بالدكان .

وتابع نمس باب الحارة قوله:

“وأبو شهاب الله يرحمو تمّو يحكو عن موتو جزئين ( لانو كان بالمنفسة بين الحياة والموت ) وبعدين دفنوه بطريقة غريبة لانو مات بالكورونا  بس أسرة العمل ما كانت حابة تحكي كرامة للعكيد
والنمس غاب نص الجزء الخامس لانو المسكين حظو معتّر و انعدى بالكورونا

وختم نمس باب الحارة حديثه بالقول:

“وغاب النمس كل الجزء السادس و اجى عواضو أخوه الواوي لانو النمس كان عم يدور عكل حارات الشام ليبخها ، و كان عم يبخها حارة حارة وهو عم يغني : يا كورونا وينك وينك … بس المسكين عداهم كلهم عواض ما يشفيهم  فديروا بالكم يوصل لعندكم و حطوا الكمامات وخدوا كل احتياطاتكم استحياطا مشان ما تنعدوا يا حبايبنا اللزم ”

وانهالت التعليقات من جمهور النمس على البوست الكوميدي الذي شرح فيه بطريقة فكاهية أحداث باب الحارة ووباء كورونا وأثنى الجمهور على الحس الفكاهي الذي يتمتع فيه الخاني وتمنوا له النجاح في قادم أعماله

والجدير بالذكر ان مسلسل باب الحارة غاب عن موسم رمضان 2020 بسبب وباء كورونا ووعد منتجو العمل بقدوم الجزء الحادي عشر في موسم رمضان 2021 والتعاقد مع العديد من نجوم النسخة الماضية الخاصة بالملا