تامر حسني : خذوا نصيحتي وهتلاقوا تساهيل كتيير هتحصل معاكم
المدينة نيوز :- كشف النجم المصري تامر حسني عن طريقته الخاصة في التعامل مع العديد من الأشخاص الحاقدين والكارهين لنجاحات الآخرين في حياتهم العامة. مشاركا متابعيه تجربته الخاصة في التخلص من الإحباط والعبارات السلبية التي يبثها الآخرون لإضعاف عزيمته والوقوف أمام نجاحه ومواجهة التحديات.
وقال تامر حسني في منشور عبر إنستغرام: “نهاركم جميل زيكم، من كام يوم نزلت بوست تحفيزي ليكم عن النجاح والحقيقه فرحت اوي من استقبالكم للبوست وسبحان الله حسيت ناس كتير كانت مستنيه تسمع كلام زي دا. يا جماعه احنا في العصر الصعب دا بنواجه كمية حقد وغل وكراهيه وطاقه سلبيه مش طبيعيه”.
وأضاف النجم المصري تامر حسني : “لازم نرد عليها بالعكس، لازم يكون في طاقه اكبر بترد على كل الإحباط دا، والحقيقه ان انا عندي بعض الخبرات في الحياه من خلال رحلتي المتواضعه احب اوصلها ليكم، هحاول كل كام يوم اتناقش معاكم في موضوع او اقترح عليكم حاجه بعملها دايماً، هبدأ بحاجه بعملها باستمرار وعلمتها للمقربين مني ومواظبين عليها من سنين، وهي انكم حالاً تستحضروا ناس في دماغكم بتحبوهم وتدعولهم بأسمائهم في ظهر الغيب بكل اللي يتمنوه، وكل فتره نكررها ونثبتها زي ما بنثبت حجات تانيه في حياتنا مش بالاهميه دي ،، والله هتلاقوا تساهيل كتير حصلت مش هتعرفوا بتحصل منين يلا بينا دعوااااااااااااااااااااااات”.
