مريهان حسين عن صورها أمام الكعبة: نعمة وجود ربنا فحياتنا أكبر من كل النعم
المدينة نيوز :- حرصت الفنانة مريهان حسين، على نشر صور تذكارية لها من داخل الحرم أثناء تأدية مناسك العمرة، بعد انتهائها من أحد العروض المسرحية لها في السعودية، ضمن فعاليات موسم الرياض.
وقامت مريهان، بنشر الصور وعلق قائلة: "مع أن الصورة دي من أحب صوري لقلبي.. اترددت أنزلها.. أولًا خفت أن دا يأثر على ثواب حاجة بيني وبين رب العالمين ثانيًا عارفة أن في ناس سطحية كتييير هايكتبوا كومنتات كلها إيه يا طاهرة إيه يا ست الشيخة ويعملوا فيها أنهم مابيغلطوش أبدا وجايين يحكموا على ناس زيهم أحكام هبلة وخلاص وهما مايعرفوش اللي بينك وبين ربنا ولا عمرهم هايعرفوه".
وتابعت: "بس قولت لأ مش هامشي ورا الفكر دا و هانزل صورتي اللي بحبها عشان فيها ذكرى وجودي في اطهر بقاع الأرض وأنا ضيفة في بيت الله الحرام وبحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن أطلب منه أي شيء ومفيش حاجة كبيرة عليه إنما أمره إذا أراد شيئا أن يقول له كن فيكون".
وأاضفت: "نعمة وجود ربنا فحياتنا أكبر من كل النعم انا حقيقي معرفش إزاي في ناس بتلحد و تنكر وجود ربنا والعياذ بالله، وفي منهم اصحاب ليا وناس بقابلهم و مع حبي ليهم بس بقولهم فايتكو أعظم حاجة في الوجود أن يبقا ليك رب قادر على تحقيق كل اللي يتمناه قلبك ويسرح فيه خيالك رب أكبر من كل كبير هو الأمان في الدنيا دي وكل من عليها فان".
