من خريج أدب انكليزي إلى ديوان الخدمة المدنية .. حوّل

المددينة نيوز – خاص - : وصلتنا هذه الرسالة من خريج أدب انكليزي ننشرها كما وردت و ( مثل صاحبها مثايل ) كما يقول المثل الدارج ..
تاليا الرسالة :

الساده صحيفة المدينه المحترمين اريد انا اروي قصه قصيره عن ديوان الخدمه
انا اسمي احمد خريج ادب انجلزي من جامعة اليرموك بتقدير جيد وصارلي سنتين عاطل عن العمل وبدور على شغل ويوم بشتغل وعشره لا
طبعا كل سنه بطلع ديوان الخدمه دفعة معلمين على التجير ومرات من وزارة التربيه .في شهر 7 رحت على وزارة التربيه وحكوا انه التجير عن طريق ديوان الخدمه المدنيه وقبل اكم يوم او بالاحرى يوم 28 /8/2011 طلعت دفعة تجير من ديوان الخدمه طبعا للاسف وبحكي وبكل حزن على البلد ووضعها اتخيلوا انه الي طلعلهم تعين على التجير كلهم من خريجين 2011 وشوي منهم من 2010 وتقدير اغلبهم مقبول بينما انا خريج 2009 وجيد ما طلعلي .ليش لانه بالمختصر واسطي رب العالمين وكفى به واسطة جل وعلا ، وهدول خريجين 2011 الي اصغر مني بسنتين واسطاتهم دنيوية وهي كبيره والمشكله انه لما تفتح موقع الديوان بتلاقي قوله تعالى (ان خير من استاجرت القوي الامين ) وهمه لا اقوياء ولا امناء وما بقول الا حسبي الله ونعم الوكيل على هذا الديوان اللي هو بؤره للفساد والمفسدين ويارب انتقم من هدول اعداء الإخلاص .
واسف للاطاله يا مدينه نيوز بس انتو منبر حر الواحد ما برتاح الا لما يفضفض عندكو والسلام عليكم ورحمة الله .