اعتصام موزة وخوخة
موزة: يا حرام شفتي الولد الصغير اللي كان يبكي ويقول بابا بدي موزة وابوه ضربه وحكاله احنا لاقيين خبز حتى اشتريلك موز منين اجيب يا ولد انا قاعد على بنك انت عارف البير وغطاه معيش احلق.
خوخة:آه يا يختي ولو انك شفتي العامل المصري اللي دخل عالمحل واشترى حبتين بندورة قطعلي قلبي الناس طفرانة يا عمي جيبتها فاضية .
موزة: رح نعنس يا خوخة وجهنا هرم قبل اوانه ما في مصاري مع الناس الله المستعان
خوخة: شو ما في مصاري وين بتروح المصاري يا عالم
خوخة:لناس وناس ناس جيبتها مليانة ومش عارفة وين تروح بالمصاري وناس بتشحد وبتشكي من الطفر الراتب بطل يكفي يا موزة ومع غلاء الاسعار صار الموظف المسكين يستدين من اول الشهر وفواتير رايحة وفواتير مش ملحقين دفع مصاري.
موزة:الله يعين العالم يختي من وين تجيب يعني تسرق عشان توكل موز وتفاح.
خوخة: طلعي عالبندورة مخمجة ما حدا قادر يشتريها حتى الفقراء محرومين منها.
موزة: مبارح اجت سيارة قرش ونص صفت عالمحل ونزل منها زلمة مليان هدومه واخذ فواكهة وخضرة بالكيلوات والمسكين الولد الصغير مش لاقي يتسمم حبة موزة اخ بس لو اني بقدر احكي كان اعطيتو حبة موزة ظلت بنفسه يا حرام شو حزنت عليه.
خوخة:لا تشكيلي ولا اشكيلك الحال من بعضو.يعني ابوه شو ذنبه ما معو مصاري
موزة: شو رأيك نعمل اضراب حتى ينزلوا سعر الخضرة والفواكه شوي او اعتصام بالك بنقدر نساعد هالمساكين وبردوا عمطالبنا هالنواب
خوخة: في ناس اشطر منك حاولوا وما نجحوا بدك يردوا علينا اسكتي اسكتي لا حد يسمعنا ويضحك علينا قال شو اعتصام الفواكه .
موزة:يعني شو بنخسر اذا جربنا هيك هيك عنسنا شو بدك اكثر من هيك؟
خوخة: خلينا ساكتين والعوض على الله ربنا بفرجها
