هــوامـش

هــوامـش

أكل الهوا مقدور عليه

"أهدت جمهورية السودان الشقيقة مئات آلاف الدونمات من الأراضي الزراعية الخصبة والمجاورة لنهر النيل للأردن على أن يقوم الأردن باستغلال هذه الأراضي ورزاعتها بلا مقابل، وتحتفظ السودان بالحق في استرداد هذه الهدية في حال عدم الاستغلال، ويبدو أن المشروع في طريقه للفشل لأسباب كثيرة - كلها غير مقنعة-\". وعلى خلفية هذا الاحتمال دار الحوار التالي:

بالك يا خوي يا أبو محمد شو رايح يصير إذا فشل مشروع الأراضي الزراعية الخصبة جداً والمقدمة كهدية بلا مقابل للأردن من جمهورية السودان الشقيقة؟

أبو علي، بسيطة يا خوي اذا فشل المشروع، بنشكل لجنة تحقيق!

أبو محمد: بس هيك بنكون أكلنا هوا، وشو بدها تساوي لجنة التحقيق بعد خراب مالطا، هدية السوادن يا خوي مشروطة باستغلال الأرض وزراعتها تحت طائلة الاسترداد؟

أبو علي: عاد يا خوي إذا ما في نصيب شو بدك تعمل؟

أبو محمد: قصد ما في ضمير؟

أبو علي: يا خوي احنا ارضنا مش زارعينها بدك نزرع أرض بالسودان، دخيل الله تسكت وبلاش تبلينا، أكل الهوا مقدور عليه!

مستوزر بهذرب

غريب هالتلفون ما رن، يعني ولا جيت على باله، وكل المدح والغزل والحكي الناعم ، كل هاذ والتلفون ساكت والله قلبي صار يشاور حاله يسكت هو كمان، معقول دولته ما طلع اله صاحب وبس حكي عا الفاضي، يعني هيك بتكون راحت عليّ! بس هو وعدني! انداري شو صار معه؟ يمكن يكون المانع خير! لكن والله اذا حلقلي هالمرّة ما رح أحكي معه أبداً وغير اعمل دليّت لرقمه من هالخلوي، أمّا صاحب؟

التهمة: فاسد

رئيس وزراء دولة إسرائيل البغيظة، بالإضافة إلى كونه مجرم حرب من الطراز الأول، يُحاكم هذه الأيام بتهمة الفساد، هو يستحق الاحتقار عن التهمتين، اما إسرائيل فتستحق الإحتقار عن التهمة الاولى فقط!

من مستصغر الشَرْر

هكذا تبدأ كُل الحرائق والمشاجرات والأزمات

H1N1

للفيروسات كما للبشر أنسابٌ بها يُعرفُ الأصيل منها والهجين، والشرعيّ منها وابن الحرام وفي تعليقهم على نسب الفيروس - H1N1- المسبب لمرض انفلونزا الخنازير، يقول علماء أنساب الفيروسات أن هذا الـ - H1N1- هو مولود غير شرعي ناتج عن تزاوج مخبري - غاب عنه الضمير والشهود العدول - بين المدعو - H5N1 - و المدعوه - H3N2- هذا والله أعلم .