رح تيجي لحالها ...

بعد أن انهى (الطوبرجي) بناء البيت (عظم) .. سأله صاحب البيت .. (ليش السقف مقوس؟؟)

فأجاب (الطوبرجي) .. (تقويسة خفيفة سببها غباء المهندس .. بس لا تهتم بتيجي مع القصارة)

.

سأل صاحب البيت (معلم القصارة).. ليش القصارة مايلة ومش مليانة ..؟؟

.

أجاب القصير (مين الطوبرجي الحمار اللي عمرلك البيت . .. ؟؟ الحق عليه ..

.

(بس لا تهتم .. للقصارة بتيجي مع الدهان)

.

سأل صاحب البيت (الدهين) ليش الدهان بموج .ومش مزبوط...

قال الدهين ..(مين الحمار اللي قصرلك البيت ..الحق عليه

.

(بس لا تهتم .. مع الاضاءة ما بتبين ) ..

السقف بلش يتشقق .. والدهان خرب .. والقصارة بدها توقع ..

.

سأل صاحب البيت ..ضيوفه .. شو رأيكم ببناء البيت ..

قال الضيوف .. ما شاء الله ... غير شكل .. خسارة عمرت بهيك مكان .. لازم اخترت منطقة ثانية ..

.

سأل صاحب البيت نفسه .. يا ترى الحق على مين؟؟

..

الخطأ بإختيار الأشخاص والا بالسياسات والنهج العام

كل حكومة بتحط الحق على اللي قبلها

يا ترى سقف البلد رح يوقع على راس مين؟؟؟

.

اكيد مش على راس الطوبرجي ولا القصير ولا الدهين ..ولا على راس الضيوف ..

.

اكيد رح يوقع على راس الشعب صاحب البيت ..

.

(بس لا تهتموا ..مع الزمن رح تيجي لحالها)