معاناة طالبة اردنية في جامعة خاصة

المدينة نيوز - خاص - وصلتنا هذه الرسالة الاربعاء ، من الطالبة فاطمة توفيق من احدى الجامعات الخاصة ، ماجستير قسم اللغة الانجليزية وآدابها تعرض فيها مشكلتها حول ضياع حق من حقوق الطالب الجامعي الذي تاه بين الروتين والتخبط الاداري ، وتاليا رسالتها كما وردتنا :

السلام عليكم ورحمة الله وبركاته

انا الطالبة فاطمة توفيق ، طالبة في احدى الجامعات الخاصة / ماجستير قسم اللغة الانجليزية وآدابها
معدلي التراكمي : 3.5 اي امتياز بفضل الله حسب الكشف المرفق

بلشت مشكلتي من بداية الفصل حيث اجتزت بفضل الله 18 ساعة معتمدة من الخطة الدراسية .
الخطة الدراسية كاملة لطالب الماجستير عبارة عن 33 ساعة ضل منها 6 ساعات مواد و3 ساعات مشروع بحث و6 ساعات رسالة

سجلت الفصل هاد الاول 6 ساعات مواد مادة النقد والنظرية الأدبية ،، ومادة مشروع البحث

بلشت المشكلة في بداية الفصل ذهبت للدكتور ، عشان اوقع ورقة الاشراف قلي بالاول خلصي البربوزل كامل عشان نقدم ورقة تحديد الاشراف معاكي ليوم 27/1/2015 لتقدميها

سمعت كلامه وتابعت التقويم الجامعي ولوحة الاعلانات فالجامعة ،، لكن هي الاثناء بكتشف في يوم تقديم ورقة الاشراف الي صادف يوم 27/12/2014 انه كان تحديد المشرف في الاسبوع الاول من الفصل ومددوها شهر لكن ما كان حدا بيعرف هاد الحكي ،، وكما بتدعي رئيسة الادارية لعمادة الدراسات العليا انه طلعوا المحضر لعمادة الكلية والحق عليهم انهم ما نشروه ،، لكن انا موظفه وبعرف انه المحضر عمره ما بتعمم التعميم بيصدر من عمادة الدراسات العليا بكتاب خاص انه اخر موعد لتحديد المشرف بتاريخ كذا وكذا

المهم دخلت عند رئيس القسم وقلي انه حقك لانه اخر يوم فالتقويم الجامعي لتحديد المشرف هو يوم 27/1/2015 ومن حقك تابعي الموضوع لكن هو ما في بايده سلطة لانه ورقه تحديد المشرف بتتوقع من رئيس القسم ومن العمادة ايضا ،، روحت لمكتب العميد قلي بالحرف / لو الدكتور عبد الله النسور يجيني ما بوقعها لانه احنا ما بنصدر قرارات تحديد مشرف حاليا : قولتله طيب انا شو ذنبي كطالبه افرض انا مغتربة وما بعرف فالموضوع ليش هيك يصير فيي بحكيلي احنا حكينا قولتله ما قولتو ولا في تعميم المهم فالاخر ما ساعدني

ذهبت انا وزميلي حيدر للدكتور عميد الدراسات العليا يوم السبت الساعه 1 كان عنده محاضرة ضلينا نستنى فيه على باب المحاضرة ما يقارب الساعتين ونصف عشان نحكي معه بالاخير بقولي هاي قرارات ومجلس الكليات بعرف فيها وراح معي عالعميد الكلية الاداب ،، وبرضو الدكتور ما رضي يوقع ورفض كثير طلبات منها طلبي وطلب زميلة الي اسمها اية قدمته بما يقارب الشهر قبلي من اول شهر 11

حاولت اقابل رئيس الجامعة وكل ما كنت اروح عنده السكرتيرة تقولي هو ما بفيدك والدكتور قالتله وقلي اروح عند العميد قولتلها العميد حكى ما رح يوقع وهيك بروح حقي فالت ما الي دخل هو هيك بحكي

انزلت عند نائبة رئيس عمادة شؤون الطلبة لكن ما كانت بمغادره قابلت عميد شؤون الطلبة وقلي ارجعي لرئيس الجامعة ورجعت وبردو ما دخلت ولما روحت لنائب الرئيس قال جيبي ورقة الاشراف بقوله دكتور ما هي ما اتوقعت بقولي طيب ايش اعملك !!!!!

انا طالبة وموظفة بنفس الوقت ،، الرسوم الفصلية للجامعة عباره عن 500 دينار اتأجلت فصل كامل بسبب تخبط مجلس الكلية مع عمادة الدراسات العليا وما حدا رضي يتعرف علي بهاي الرسوم الا رئيس القسم قلي بنرصدلك حق مادة مشروع البحث للفصل الثاني لكن الرسوم ما رح تتدور رح تدفعيها .

مشكلتي اني اتاخرت فصل كامل عشان كتابه البحث مش مشكلتي بس مشكلة 6 طلاب غيري من نفس القسم !!
وبنفس الوقت خسرت 500 دينار اردني عشان هذا التخبط فالقرارات وكمان هلأ الدكتور المشرف رجعلي مشروع البحث القسم طلع بقرار انك انت ما بتقدر تقر ر مين مشرفك الي حابب تنضم لالو مع العلم انه كان مسموح وما زال مسموح في كل الجامعات الخاصة والحكومه

نداء إلى رئيس الجامعة :

اتمنى تساعدوني لاني حاولت وطرقت جميع النوافذ ما حدا استجابلي ارجوكم المساعدة ، وسأستمر بالمطالبة بحقي .

رقمي الجامعي : 401310084