شتان بين الحجاب وتغطية الرأس

بالنسبة الي البنت الي بتغطي رأسها فقط وتلبس الكابوي والبدي مثل الي بتوضا بس ما بصلي

مثل الي بتسحر بص ما بصوم

مثل الي بزكي بس بشوف انو ٢.٥% كثير فبزكي بنسبة ١٪

مثل الي كل يوم بروح على الجامعة بس ما بحضر محاضرات ولا بقدم امتحانات

مثل الي بقول ولا تقربوا الصلاة وبنسى باقي الآية

غطاء الرأس مش حجاب ، والله اخذناها بالصف الاول ب

الحجاب لباس لا يصف ولا يشف ولا يلفت الانظار يغطي جميع انحاء الجسم عدى الوجه والكفين ولا يرافقه لا مكياج ولا اكسساورات ولا عطور هذا من ناحية اللبس فقط وليس من الناحية الاخلاقية المرتبطة بالحجاب

بيجي واحد بقلك البنت تؤجر لانو غطت شعرها

الله اعلم وما بحب افتي بشي ما بفهم فيه ، وما عندي قدرة اجيب على هاي النقطة

بس هل بتتوقع انو البنت تؤجر لانو غطت شعرها بس طالعة مكيجة ولابسة حزق وحاطة علبة عطر وعلبتين مزيل عرق و٢ كيلو مكياج ، وفي حديث بقول " أيما امرأة استعطرت فمرت على قوم ليجدوا من ريحها فهي زانية " ، وآخر يقول " إذا خرجت إحداكن إلى المسجد فلا تقربنّ طيبا " ، وغيره من الاحاديث .

البعض بيجي بقول في محجبات بيعملن السبعة وذمتها

برد عليه وبقول طيب في منقبات بيعملن السبعة وذمتها بس هل هذا يعني انو الي مش محجبة حجاب صحيح على صواب ؟ .

الحجاب مش لبس ، الحجاب لازم يرافقه ادب وحشمة ،

مثل ما هي الصلاة مش بس حركات : ان الصلاة تنهى عن الفحشاء والمنكر

مثل ما هوالصوم مش بس انك ماتاكلش : الصوم انك تبتعد عن كل شئ يغضب الله

مثل ما هي الزكاة على حلال المال : مش واحد بياكل ربا وبيروح بيزكي

آخر شغلة

سؤال لكل بنت بتغطي شعرها وبتلبس بنطلون وبلزوة

انتي بترضي تصلي بهذا اللبس ؟!

في النهاية اعذروني على الكابة باللغة العامية