بلقيس بني هاني في حالة حرجة .. ورسالة مؤثرة منها
المدينة نيوز :- قالت الاردنية بلقيس بني هاني المصابة بالسرطان انها وصلت الى حالة حرجة .
وبينت بلقيس خلال منشور لها على فيس بوك : انها حاليا لا ترى ولا تسمع ولا تستطيع التحدث ، وانهالت عليها التعليقات الداعية لها بالشفاء التام .
وتاليا نص رسالة بلقيس التي نشرتها :
يسعد مسآكم
كيف حآلكم !
حابه أشارككم تجربتي بدي احكيلكم اني ابداً مو زعلانه لانه سمعي ضعف وعيوني خف النظر فيهم وبطلت احكي ، رب العالمين حب يختبرني ويخليني اعيش تجربة الاعمى والأصم والأخرس ، عنجد عم بحكي! لحتى م ننسى دايماً نحكي الحمدلله ع النعم الي عنا
ولله ي عالم في عنا نحنا نعم لا بتنعد ولا بتحصى! بس نحنا كتير مننسى نحكي الحمدلله عليها!
ليه م نحكي كل يوم الف الحمدلله ع النعم الي عنا! م منخسر شي
صحيح بكون قاعده مع الناس بس لا سامعتهم ولا شايفتهم مزبوط! وكأني قآعده لحآلي!وبتحز ببالي هالشغله وبتدايق شوية صغيرة!
بس عارفه ومتأكده وعندي يقين انه حرجع اشوف واسمع واحكي احسن من اول بس شوية وقت بدهم صبر ، ونيال يلي بيصبر عند ربه بيدخل الجنه بلا حساب انا كتير مبسوطه ! عنجد ي الله شو اني عم بكسب والي بتصحله فرصه انه يصبر ع شي م يضيعها ! وم يمل ! ويحكي خلص ربنا م رح يعطيني الي بدي ياه ! لا الي بيصبر وبظن خير بربه ! ربه بيعطيه عند حسن ظنه واكتر
بالنسبة لنتيجة الصورة الطبقيه الي تصورتها ، بصراحه انا مو فاهمه منها شي بس افهم رح افهمكم
وهلا عندي جرعه ، ادعولي بالخير انه ي رب استفيد
