دكتورة بالجامعة لأحد طلبتها : ليش بدك تقطع بعد ما تعلقت فيك و صرت احبك ؟؟

المدينة نيوز – خاص - محمد أبو حميد - : لعل هذه الرسالة التي تلقيناها بعثها إلينا قارئ مدمن على أفلام الخيال العاطفي ، أو أنه من عشاق الأفلام الهندية ، غير أننا ، نحب أن نرويها لكم وننشرها على ذمة صاحبها ، دون أن ننفيها أو نؤكدها ، وسبب نشرها أن لدينا كثيرا من قصص العلاقات الثنائية بين طلاب جامعات ومدرساتهم في نفس الجامعة ، وكذلك العكس .
فمن القصص الشبيهة والتي لدينا عليها وثائق : أن دكتورة في جامعة حكومية سجل لها طالب " تأوهاتها "على التلفون ، وتقدمت بشكوى رسمية ضده ، وطالبة استقصدها أحد الأساتذة ويلاحقها ملاحقة المراهقين .. وغير هذه القصص الكثير مما شابهها ..
قد تكون هذه القصة حقيقية ، وقد تكون من نسج الخيال ، وفي الحالتين فإننا من خلال نشرها ننبه إلى علاقات غير سوية في الوسط الأكاديمي ، علها تكون عبرة لمن يعتبر ..

نترككم مع رسالة الشاب طالب الجامعة ، والحكم لكم أولا وأخيرا مع التنويه أننا ننشرها كما وردت بدون تصحيح لأخطائها اللغوية ولا المطبعية كما عودناكم ، لتتعرفوا على صاحبها فلعل تلك الأخطاء واللغة تقربكم من مرسلها بدون مكياج من قسم التحرير لدينا ، وإن كانت حقيقية فلعل الدكتورة المعنية ترعوي وتعود لأطفالها وزوجها ..

مرة أخرى : تقول الرسالة :

" .. انا شب طالب جامعي درستني دكتورة مادة و رسبتني فيها علما انه كانت كثير شايفة حالها وماشية على قوانيين الجامعة و ما تتهاون مع اي حد ورجعت نزلت المادة عندها لانه محتكريتها ,, و بيوم من الايام صار اللي فضول اني اعرف شو طبيعتها لحتى اكتشفت انه عندها حساب على فيس بوك بحثت عنها بحساب اللي وهمي كانت معلوماتي الشخصية وهمية و خصوصا العمر لاني عملت عمري اكبر من عمرها بالبداية ما رضيت تقبلني صديق و رجعت ضفتها مرة ثانية لحتى قبلتني فبعثتلي رسالة هي " ازا بتسمح احترم الصداقة " بلشت اعمل دردشة معها و كنت حريص كثير اني اتصرف كأني شب اكبر منها بعد فترة قصيرة حكتلي انها تعودت تحكي معي وحكتلي عن كل مشاكلها حتى مع زوجها و صارت تعطيني مواعيد فراغ الها على شان ندخل ونحكي على النت و تطور الحكي من صداقة باحترام الى صديق مفضل بحكيلوا كل اسراري .. بعد ما شفت هيك و عرفت انه اللي بعملة اكبر غلط بعثتلها مسج قبل ما اروح على الجامعة انة في الساعة الفلانية بتمنى تكوني موجودة لحتى احكي معك بموضوع ضروري و دخلت على نفس الموعد كنت بالبداية كنت بدي اصارحها و احكيلها اني انا طالب و بدرس عندك و اصغر منك بـ 7 سنين بس ما قدرت و حكيتلها انه نحنا بنعمل شي غلط و انا اجبرتك على صداقتي ولازم نقطع لانه انت متزوجة و عندك طفلتين فـ بتحكيلي " بعد ايش بدك تقطع بعد ما تعلقت فيك و صرت احبك " هون كانت اكبر صدمة اللي لاني والله العظيم ما كنت بدي وصل لمرحلة تحكيلي اياها بعد ما شفت اخر فترة انه الحكي صار يتطور بسرعة حكيتلها انه انت متزوجة و الك اطفالك و انتي بتحكي بحبك لشخص ما شفتي صورتة ولا سمعتي صوتة فـ بتحكيلي مش مهم اهم شي تضل قريب مني واضل احكي معك لانه صرت ارتاح بالحكي معك اكثر من جوزي و لهي المرحلة عرفت اني عملت كارثة كبيرة .. وبعد فترة من التفكير قررت الغي حسابي اللي ضفتها عليه واعمللها بلوك على الاميل اللي كنا نحكي فيه فكرت انه يمكن رح تزعل شوي وبعدين ترجع لحياتها الطبيعية بس هي صارت تبعث مسجات على الاميل و تحكيلي فيها ما بدي اياك تحبني ولا بدي منك شي بس بدي اتضلك موجود بجنبي لحتي اشكيلك كل شي في بالي لانه انت الشخص الوحيد اللي صرت ارتاح بس اشكيلوا انا بكل صراحة حاس حالي عملت اكبر مصيبة وبدي تنصحوني شو اعمل لحتى ترجع الدكتورة شايفة حالها مثل اول و تنسى الموضوع و ترجع لحياتها لانه صرت الاحظ عليها انه صارت هي الطالبة و انا الدكتور و والله العظيم انو انا ما كان قصدي انه احكي معها و توصل للمراحل هي .. بدي كلام تنصحوني فيه ابعثلها اياة مسج و تقتنع بدون ما اكشفلها انه انا عمري 24 سنة و اصغر منها ب 7 سنين وبدرس طالب عندها " " .

ما رأيكم دام فضلكم ؟ .